Rhwydwaith ffôn a band llydan BT yn esblygu
Mae BT, wrth ymgynghori â diwydiant telathrebu’r Deyrnas Unedig a gyda chymorth Ofcom, yn uwchraddio ei linellau ffôn, band llydan ac ISDN i rwydwaith datblygedig newydd*.
Pam y newid?
Bydd eich gwasanaethau telathrebu cyfredol - galwadau ffôn, band llydan ac ISDN - yn esblygu’n gyflym yn y dyfodol agos, gan greu cyfleoedd i ddatblygu gwasanaethau arloesol. Bydd llawer ohonynt yn dibynnu ar dechnolegau protocol rhyngrwyd ac yn ein galluogi i gyfathrebu a chreu mewn ffyrdd nad oedd yn bosibl yn y gorffennol.
Ni ddylech sylwi’r gwaith
Byddwn yn gwneud y rhan helaeth o’r gwaith i adeiladu rhwydwaith newydd BT dros nos mewn cyfnewidfeydd ffôn. Cynlluniwyd yn ofalus er mwyn cyfyngu ymyrraeth â’ch gwasanaethau i’r lleiaf posibl.
Unrhyw beth i mi wneud?
Byddwn yn gweithio'n galed i isafu'r effaith ar eich busnes. Ni fydd angen gwneud unrhyw beth i'ch ffôn, soced na'r llinell. Ni fydd yn effeithio prisiau eich galwadau ffôn, rhent llinell neu gysylltiad rhyngrwyd. Ac ni fyddwn yn ymweld â chi nac yn cloddio eich stryd.
Rydym yn cynnal profion estynedig er mwyn sicrhau bydd y rhan helaeth o offer a systemau swyddfeydd yn gweithio gyda'r rhwydwaith newydd. Rhagwelwn bydd y mwyafrif helaeth o'r offer a systemau yn gytûn â'r rhwydwaith newydd.
Gwirio bydd eich offer yn gytûn a'r rhwydwaith
Ymyrraeth â gwasanaethau
Bydd rhywfaint o ymyrraeth â'ch gwasanaethau ffôn, band llydan ac ISDN ar wahanol amserau dros y misoedd yn arwain at eich trosi ac ar y noson olaf. Bydd y cyfnodau byr hynny'n ein galluogi i wneud y gwaith angenrheidiol heb amharu ar y rhwydwaith. Wrth i ni eich trosi i'r rhwydwaith newydd ni fydd yn bosibl gwneud galwadau am hyd at 3 munud, 30 munud yn achos gwasanaethau band llydan.
Ar ddyddiad arall, bydd gwasanaethau band llydan yn destun ymyrraeth rhwng 5 a 30 munud.
Rydym wedi cynllunio'r gwaith diweddaru'n ofalus er mwyn gwneud y rhan fwyaf ohono gyda'r nos. Felly, oni fyddwch yn gwneud gwaith shift, mae'n bosib na fyddwch yn sylwi unrhyw beth.
Ymyrraeth â gwasanaethau yn eich ardal
Gwasanaethau brys
Bydd trefniadau arbennig ar gyfer galwadau i'r gwasanaethau brys. Os byddwch ar y ffôn i'r gwasanaethau brys pan fydd y gwaith peirianneg yn dechrau, ni fydd yn terfynu eich galwad. Ond os bydd y gwaith eisoes ar y gweill, ni fyddwch yn gallu gwneud galwadau brys tan i ni ei gwblhau.
Ni fydd yn effeithio ffonau symudol yn uniongyrchol, felly cofiwch ailwefrio'r batri. Os yn defnyddio gwasanaeth talu wrth fynd, diweddarwch eich credyd erbyn y dyddiad switsio rhag ofn bydd angen gwneud galwad tra byddwn yn trosi eich llinell sefydlog.
Y ffeithiau
Gallwch hefyd siarad â ni'n ddi-dâl ar 0800 030 4000, 8.00am - 8.00pm Llun - Gwener, 9.00am - 5.00pm Sadwrn a Sul.
Mae gweddill y wefan yn Saesneg. Os am gael fersiynau Cymraeg o unrhyw eitemau ar y safle, galwch ni ar 0800 030 4000.
* Os yn derbyn gwasanaeth cebl, yn gwsmer Kingston Communications, Dwyrain Swydd Efrog, neu ddim angen llinell BT ar gyfer eich gwasanaethau ffôn, band llydan neu ISDN, ni fydd cyflwyno rhwydwaith newydd BT yn eich effeithio. O dan yr amgylchiadau hynny, bydd eich trefniadau telathrebu cyfredol yn parhau. Ni fydd y datblygiadau uchod yn effeithio gwasanaethau symudol yn uniongyrchol.